KALIBO, Aklan—Igapatawag makaron nga adlaw it Huwebes it House joint committee ro masobra sa  700 nga  pribadong ospital ag klinika sa nasyon nga eakot sa alegasyon it anomalya sa Philippine Health Insurance Corporation (PhilHealth).

-- Advertising --

Apang sa interview it Bombo Radyo,   ginpahayag  ni Aklan 2nd District Rep. Teodorico Haresco nga owa it kasiguraduhan kon makatambong ro mga raya  bangud nga siguradong pila sa mga raya hay nagapanago eon.

Sa andang imbestigasyon,  nataeupangdan sigon nanda ro milyon-milyong overpayments it PhilHealth sa maabung ospital ag klinika sa nasyon maskin nga owa man it nailistang pasyente it coronavirus disease 2019 (COVID-19).

Dugang pa ni  Cong. Haresco daeahig  ro  mga private hospitals and clinics sa tatlong mafia sa nagakatabu nga  korapsyon sa PhilHealth.

Indi sigon nanda ma-obra ro nasambit nga kalakaran sa mga pampublikong ospital bangud nga  may Commission on Audit (COA).

Mag-eowas sa private health care institutions (HCIs),  ginbulgar man  ni Haresco nga kaibahan pa sa mafia sa state isurer ro Civil Service Commission  bangud nga medyu owa ginatalaban it mga ginpasaka nga ginatos nga mga kaso it Department of Justice ro mga opisyal it PhilHealth.

Nauna kara, ginhinyu ni  Haresco sa DOJ nga ikonsidera ro pagpatuman it  hold departure order kontra  sa mga PhilHealth executives kasunod it anang panamgo nga kapareho sa pelikulang “The Godfather Part III.”