Balitang Espesyal ———Sa mga  South American countries kapareho it  Peru, Bolivia ag Ecuador, normal eon sa mga  tawo idtu  nga gamiton ro karne it Guinea Pig bilang sangkap sa andang mga tradisyonal nga putahe.

Rason nga may sangka ice cream shop sa Quito, Ecuador ro nakaisip nga mag-obra it  ice cream nga ro flavor hay Guinea Pig!

-- Advertising --

Suno sa tag-ana it ice cream shop nga si María del Carmen­ Pilapaña, naisipan nana nga obrahon ro nasambit nga  kakaibang flavor bangud nga sangkiri  ro kita  sa mga  normal nga ice cream flavor nga anang ginabaligya.

Ginhalo nga gin-eagaan  it  guinea pig meat ag katas it passion fruit ro base it ice cream ni Maria.

Inabot imaw it  sang buean antes nga nabo-oe  ro tamang timpla it recipe kara.

Ko una hay nagduda ro anang mga igbata kon may magabakae  it ice cream ni Maria.

Apang kat nagkalhit  sa mga  taga-Quito ro angot sa kakaibang flavor ngara,  nakaangkon it mahabang pila sa anang ice cream shop ag nakabaligya imaw it masobra sa 200 cones sa sang adlaw.

Ginabaligya nana sa balor nga $1 per cone ukon $12 per liter ro Guinea Pig ice cream.

Bangud sa  success it anang  flavor, plano ni Maria nga mag-imbento pa it mga kaka­ibang flavor sa masunod nga  mga inadlaw.