Kalibo Aklan ——–Sa ikaunang kahigayunan hay ginkumpirma eun ni Liga ng mga Mayor President ag Ibajay Mayor Jo-en Miraflores nga imaw ro nagapabilin nga pambato it grupong “Tibyog Akean” nga magapapili  bilang gobernador sa probinsya sa nagahieapit nga 2022 national ag local election.

Suno kay Mayor Miraflores nga sangka pagpataeang ag owa it kamatuoran nga  imaw hay nagback out sa pagkandidato bilang gobernador.

-- Advertising --

Samtang magapabilin man sa linyada it grupo si Congressman Carlito Marquez nga magapapili bilang Congressman sa 1st District ag si Ted “Nonong” Haresco sa 2nd District.

Samtang, ginpahayag dugang ni Mayor Miraflores nga mabahoe ro posibilidad nga ro presenteng Board Member man sa banwa it Ibajay ro magabueos kana bilang alkande it banwa.

Samtang sa banwa it Kalibo si magapadaeagan man  bilang Mayor si Board Member Juris Sucro  ag  SB Member Rolly Iquina sa banwa it New Washington nga parehong nakalinyada sa grupong  “Tibyog Akean”.