KALIBO, Aklan—Target it gobyerno probinsyal nga mabakunahan kontra sa Coronavirus Disease 2019 ukon COVID-19 ro 70 porsyento it populasyon sa isla it Boracay.

Suno kay Aklan Governor Florencio Miraflores, tuyo kara nga maabot ro herd immunity sa isla para sa uman kara nga pagbukas sa mas maabo nga turista.

-- Advertising --

Apang, aminado man ro gobernador nga bangud sa kakueangan sa supply it bakuna rason nga nabudlayan sandang maabot ro plano.

Ginaeauman nga sa 3rd ukon 4th quarter it dag-on pa maga-abot ro vaccine supply nga ginbakae it provincial government.

Prayoridad sigon makaron it Depertment of Health sa pagbakuna ro mga indibidwal nga naeakip sa A1 hasta A3 category sa Boracay.

Nasayuran nga may kabilugang 40,000 ka mga indibidwal ro dapat nga mabakunahan sa isla kun siin 13,000 kara ro tourism workers ag 27,000 ro mga residente. Buot hambaeon kara, kinahang-ean nga mabakunahan ro kapin sa 28,000 ka mga pumueoyo agud nga maabot ro herd immunity.

Boses ni Aklan Governor Florencio Miraflores