KALIBO, Aklan—Aprubado eon sa ikatlo ag ulihing pagbasa ro ginaduso nga ordinansa it Sangguniang Bayan nga tuyo nga madugangan ro sakay nga pasahero it mga nagabiyaheng tricycle sa banwa it Kalibo.

Suno kay Kalibo Sangguniang Bayan member Matt Aaron Guzman nga ginakalipay nanda ro pag-apruba sa nasambit nga ordinansa bangud mabahoe raya nga bulig sa parehong driver ag commuters.

Pagahueaton eon lang sigon nga mapirmahan raya ni Vice Mayor Dr. Cynthia Dela Cruz ag SB Secretary antes iga-endorso kay Kalibo Mayor Mayor Emerson Lachica para sa pag-review ag pagpirma.

-- ADVERTISEMENT --

Ro publication sigon kara hay magadaeagan it hasta 15 diyas.

Indi man sigon pag-abuton it sang buean ag eubusan eon rayang maipatuman.

Samtang, nagpadaea man sigon sanda it kopya para sa Sangguniang Panlalawigan para sa dugang nga pag-review it ordinansa.

Ginpaathag ni Guzman nga dapat magbutang it plastic barriers ro mga tricycle driver para masunod ro health and safety protocols ag masiguro ro kaeowasan it publiko.