KALIBO, Aklan—Nagpatigayon man it moment of silent ro Filipino community sa Estados Unidos bilang pagdumdom sa ika-20 anyos nga anibersaryo halin kat natabo ro 9/11 attack ko September 11, 2001.

Suno kay Bombo International Correspondent Cha Reyes it Virginia, USA, makangingi-eidlis ro natabo sa pag-atake it mga terorista sa sambilog sa mga gamhanang nasyon sa bilog nga kalibutan.

Base sa anang eksperyensya, haeos tanan nga opisyal it gobyerno hay nakibot sa ginasugid nga planadong pag-atake kon sa siin ginputerya kara ro capital city nga New York.

Ro nasambit nga hitabo hay makasaysayan sa mga Amerikano bangud nga linibu ka kabuhi ro naduea, pilang ka mga matag-as nga edipisyo ro nagkaearumpag ag pila ka mga negosyo ro nahalitan.

Apang sa pihak kara, uwa sigon gihapon sanda nakapayanig sa Amerika bangud nga madasig nga nakarekober ro nasyon.

-- Advertsement --

Sa makaron sigon hay ginpabaskog pa it gobyerno ro andang intelligence forces agud nga inde eon mauman ro nasambit nga hitabo nga 20 anyos eon ro nakataliwan.

Boses ni Bombo Int’l. Correspondent Cha Reyes it Virginia