KALIBO, Aklan—Sigidas makaron ro pag-repair it maintenance crew it Department of Public Works and Highways (DPWH) sa mga potholes sa Eastern porsyon it probinsya it Aklan.

Suno kay Engr. Alejandro Ventilacion, District Engineer it DPWH-Aklan, may an-om ka mga team sanda nga gindeploy sa eastern side partikular sa banwa it Altavas, Balete ag Kalibo.

-- Advertising --

Aminado man imaw nga nakaapekto sa andang operasyon ro sunod-sunod nga mga pag-uean ko mga nagtaliwan nga adlaw kung siin nakaangkon man it damage ro pila sa potholes nga ginbutangan nanda it aspalto.

Nagaeaum si Engr. Ventilacion nga magpadayun eon ro pagsilak it tyempo makaron nga nagahilapit eon ro summer season agud daeayon nga matapos eon ro proyekto.

Samtang, may gina-research sigon sanda makaron sa internet nga bag-ong teknolohiya partikular ro water resistant nga posibleng gamiton sa mga matubi nga lugar.

Boses ni Engr. Alejandro Ventilacion

Sa pihak nga parte, ginpaathag man ni Engr. Ventilacion nga haeos 50 porsyento eon ro konstruksyon it daywang ka mga road widening project sa Aklan east road.

Ro mga nasambit nga proyekto sigon hay may pondong P93 million ag P91 million.

Gin-umpisahan sigon ro prokyekto ko Nobyembre 26 it nagtaliwan nga dag-on kung siin ro target date completion kara hay sa maabot nga buean it Hulyo.

Boses ni Engr. Alejandro Ventilacion