KALIBO, Aklan—Kapin sa P19,000 pesos ro naging multa it daywang ka motorista nga nasita it pulisya bangud sa pag-eabag it mga raya sa nagairal nga curfew sa banwa it Kalibo.

Ginkilaea ro driver nga si Alex Mabini, 25-anyos it Brgy. Tambak samtang ro anang backrider hay si Ryan Andrade, 32-anyos ag residente man it Brgy. Poblacion, New Washington.

Una kara, ro daywa hay nasita matapos nga ginbaliwala it mga raya ro nagapatrol nga mga otoridad ag sangkiri eon lang nahapit ro police sa andang pagharurot it motorsiklo.

Sa pagkaaprehend it daywa, naobserbahan ro mga raya nga una sa idaeom it impluwensya it aeak ag uwa nagakaigong dokumento ro andang motorsiklo.

Ro daywa hay gilayon nga gindaea sa Kalibo Police Station kon sa siin sanda temporaryo nga ginkustudiya para sa nagakaigong disposisyon.

-- ADVERTISEMENT --