Kalibo Aklan——–Ninahan nga gindaea sa Aklan provincial hospital ro daywang ka mga driver matapos nga maaksidente sa Brgy. Laguinbanwa East, Numancia.

Base sa report, ginkilaea ro daywa nga sanday Christian Abierra, 23-anyos, tubong Leon, Iloilo apang presenteng naga-istar sa Brgy. Bulwang sa nasambit nga banwa ag si Ronnie Melgar, 53-anyos it Brgy. Navitas, Malinao.

-- Advertising --

Sa imbestigasyon it pulisya, paadto sa banwa it Numancia ro daywa kon sa siin pag-abot sa nasambit nga lugar hay gulpi eamang nga nagliko pa-waea ro tapdown nga ginamaneho ni Melgar rason nga nasunggaban raya it motorsiklo nga ginamaneho ni Abierra.

Bangud kara, nakaangkon it kasakitan ag lastro sa kaeawasan ro daywa nga insigida man nga nadaea sa nasambit nga ospital kon sa siin sanda sa makaron nagapabilin nga naka-confine para sa andang nagakaigong pagbueong.

Samtang, ro insidente hay padayon pang ginaimbestigahan it Numancia PNP para sa nagakaigong disposisyon.