KALIBO, Aklan—Gina-imbestigahan eon makaron it Malinao Municipal Police Station ro gina-alegar nga magkasunod nga insidente it panakawan it paeay nga nailista sa Barangay  Banay-banay ag Manhanip sa nasambit nga banwa ko  nagtaliwan nga mga inadlaw.

Suno kay P/Lt.  Merriefin Carisosa,  hepe it  Malinao PNP nga  pinaagi sa CCTV footages hay may ginatumod eon sanda nga mga indibidwal nga posibleng may kahimuan, apang ginatukib pa nanda kon may koneksyon ro daywang magkasunod nga  insidente ag kon  sangka grupo eamang ro sa likod kara.

Mag-eowas kara, nakipag-angot man sigon  sanda sa mga kaiping nga banwa it  malinao kon may mga makadueudang  indibidwal nga nagabaligya it mga paeay  kamana man sa mga tag-ana it galingan ukon rice mill.

Kadungan kara, gin engganyo ni Lt. Carisosa ro iba pang mga residente sa ibang barangay nga nakaexperiensiya nga matakawan man it paeay nga magdangop sa andang  estasyon it pulisya.

Ginasugid nga ro punong barangay it Banay-banay ag manhanip  ro nag-report kanda makaron nga buean it Agosto  hasta  Setyembre  angot sa gintakaw nga kapin  sa 26 tanan nga  sinako it  paeay nga nakabutang sa garahe it baeay maeapit sa karsada ag may nagakaigo nga iwag , kun sa siin mabahoe gid man  ro chansa nga matakaw.

-- Advertsement --

Kumpiyansa man sigon sanda nga maresolba ro insidente sa mas madali nga tiempo.

Nagapati man ro pulisya nga may kaangtanan ro insidente sa gutom daea it covid 19 pandemic.

Boses ni P/Lt.  Merriefin Carisosa