Kalibo Aklan ———Uman nga nagpanindugan si dating Sangguniang Panlalawigan Member Rodson Mayor nga owa imaw it plano nga i-atras ro anang kandidatura sa pagka-gobernador sa maabot nga 2022 nga eleksyon.
Raya hay matapos ro deklarasyon ni dating Kalibo Mayor William Lachica nga magapadaeagan sa kaparehong posisyon.
Aminado si Mayor nga nasubuan man imaw nga makaengkwentru ro anang suod nga amigo, apang human eon ro suno kana ro anang desisyon .
Gindugang pa ni Mayor nga maabu pa ro posibleng matabu bangud nga mabuhay pa ro filing it certificate of candidacy (COC).
Kaeabanan suno kana nga ro mga nagpahayag it andang kandidatura hay posibleng kumambyo pa ro andang desisyon .
Gin-aku man nana nga may nagsumbil kana nga magpadaeagan bilang kongresista , apang pursigido imaw nga padayunon ro anang plano nga paeaparan ro karsada halin sa Kalibo paagto sa Libacao para sa kasoehayan it mga motorista ag masuportahan ro pagiging tourist spot it Libacao.
