KALIBO, Aklan—Ginhatud eon sa anang ulihing paeahuwayan kaina it hapon si dating Vice Governor Ronquillo “Kel” Tolentino.

Nagtaliwan sa pihak nga kinabuhi  si tolentino ko Pebrero 23 bandang alas-5 it aga-aga sa edad nga 78 bangud sa gina-angkon nga baeatian.

-- Advertising --

Ginpangunahan it provincial  government ro necrological program nga ginpatigayon sa ABL Sports and Cultural Complex.

Sa gindihon nga  resolusyon it  mga  board members nga ginbasa ni Vice Governor Reynaldo ‘Boy’ Quimpo,  ginpaabot  kara ro eubus nga pagkasubo it mga aklanon sa pagkamatay it sangka batikang abogado, journalists, parliamentarian, educator, socio civic ag political leader.

Nagpaabot man sanda  it pakikisimpatiya sa pamilya Rolentino.

Ginkilaea man it  18th  SP ro naging dedikasyon ni Atty. Tolentino  sa anang mga accomplishments sa pagtau it serbisyo publiko.

Si Tolentino hay  naging student activist man agud nga maiduso ro good governance ag freedom of speech para sa pag-angkon it matuod-tuod nga demokrasya.

Imaw man ro ginakabig nga sambilog sa mga founding fathers it media organization  sa aklan ag western visayas nga aklan press club.

Sangka libro man ro anang gin-publish.

Bandang ala-1 it hapon hay ginsaylo ro anang eawas sa St. John the Baptist Cathedral kun sa siin ro misa hay ginpangunahan ni Bishop Jose Corazon Talaoc bandang alas-3 it hapon.

Si Atty. Tolentino hay  gin-eubong sa Kalibo Municipal Cemetery.