KALIBO, Aklan—Ginpaabot it Provincial Inter-Agency Task Force on Covid-19 pinaagi kay Aklan Governor Florencio Miraflores nga mas pa nanda nga ginpabaskog ro contact tracing ag testing.

-- Advertising --

Ginkilaea  it gobernador ro pagtinguha it mga opisyal it banwa it Kalibo partikular si Kalibo barangay captain Neil Candelario sa madasig nga aksyon   agud nga ma-contain  ro pagkalhit it nasambit nga virus.

Naging epektibo sigon ro andang mga tikang  sa pag-usoy sa mga tawo nga naka-angkon it close contact sa mga pasyenteng nagpositibo sa makamaeatay nga sakit agud nga ma-isolate  para sa mandatory nga  14 days nga quarantine.

Gindugang pa kara nga maskin nga magastos hay gintinguhaan nanda nga mapa-swab tests ro masobra sa 600 nga mga empleyado it  Kalibo international  airport  ag ginpaidaeum sa tatlong adlaw nga lockdown umpisa sa martes para sa disinfection agud nga eubusan eon nga matapna ro pagkalhit it virus.

Mag-eowas kara,   madasig man sigon ro pagtrabaho it molecular laboratory  it Aklan provincial  hospital.