KALIBO, Aklan—Uman nga nagpadumdum ro Commission on Election (Comelec) sa mga magaparehistro nga indi eon paghueaton ro last minute agud nga makaboto sa maabot nga 2022 national and local elections.

Suno kay Atty. Roberto Salazar, Provincial Election Supervisor it Aklan nga padayun ro andang pagbaton it  mga  aplikasyon para sa magaparehistro para sa nasambit nga eleksyon.

-- Advertising --

Bukas suno kana ro andang mga taeatapan halin alas-8 it agahon  hasta alas-7 it gabi-i umpisa Lunes hasta Biyernes.

Ro ginpaeawig sigon  nga voter registration hay resulta it maabu nga mga request nga ma-extend ro registration.

Kada Sabado ag holiday suno kana hay alas-8 it agahon hasta alas-5 it hapon.

Setyembre 30 ro deadline it pagparehistro rason nga gina engganyo nana ro tanan nga asikasuhon raya sa mas temprano.

Owa sigon it extension it voter registration pagkatapos it Sept. 30.

Gindugang pa ni  Atty Salazar nga umpisa nga ginpaidaeum ro Aklan sa GCQ ko  Setyembre 8  kadungan ro pagbukas it  mga taeatapan it comelec hay nagbuhos man ro mga nagapa-rehistro.

Naga-average sigon sanda it  600 to 1,000 nga kliyente kada adlaw sa bilog nga probinsiya.

Kinahangean nga magdaea sigon  sa opisina  it application form nga pwedeng ma-download online ag valid government-issued ID kun sa siin nakabutang ro inyong address.

Kasunod kara ro pagpatigayon it  biometrics.

Boses ni Atty. Roberto Salazar