KALIBO, Aklan—Uman nga magabaton ro Commission on Election ukon Comelec Aklan it mga gustong magparehistro para sa national elections sa dag-on 2022.

-- Advertising --

Suno kay Crispin Raymund “Dodoy” Gerardo it Comelec Aklan, maga-umpisa sanda sa pagbaton it continuing registration makarun nga adlaw Setyembre 1, 2020 hasta it Setyembre 30, 2021.

Raya sigon hay sangka preparatory procedure para sa national ag local election sa maabot nga May 09, 2022.

Suno kay Gerardo, raya nga tikang hay pagpadayun sa naumpisahan nga registration ko Enero 20 it presenteng dag-on.

Bangud sa ginatawag nga new normal magapatuman man ro Comelec it hugut nga health protocols kapareho it pagsuksok it face mask, face shield ag pag-obserba it physical distancing sa mga gustong magparehistro para siguraduhon ro kaeuwasan it kada isaea halin sa COVID-19.