KALIBO, Aklan—Nagpadumdum ro Commission on Elections ukon Comelec-Aklan nga madali eon lang ro deadline it ginpaeawig nga voters registration ukon  hasta sa Oktubre 30, 2021.

Angot kara, nagpanawagan si Crispin Raymund Gerardo, tagapaghambae it Comelec-Aklan sa mga botante nga magparehistro eon ag indi eon paghueaton  ro  last-minute regsitration.

Sa Oktubre 30 sigon hay hasta alas-5 sanda it hapon magabaton it mga magapa-rehistro apang kon mag sobra eon sa oras hay indi eon pagabatunon.

Samtang, ginkalipay man kara nga  mataas ro rate it registration  sa probinsiya kun  sa siin maabu  kara ro new registrations.

Gindugang pa ni Gerardo nga dapat nga gamiton it  kada  Filipino ro kinamatarung nga magboto.

-- ADVERTISEMENT --

Nagapabilin suno kana nga owa pa it may nag agto sa andang taeatapan agud nga mag substitute para sa nag withdraw nga mga kapartido.

Boses ni Crispin Raymund Gerardo