KALIBO, Aklan—Agud nga hugut nga mapatuman ro health and safety protocol kontra sa Coronavirus Disease 2019 ukon COVID 19, makaangkon it mas mabahoe nga venue ro Commission on Elections ukon Comelec-Aklan para sa pagahiwaton nga sang domingo nga filing it Certificates of Candidacy (COC) para sa tanan nga provincial  positions sa  maabot nga  May 9, 2022 National and Local Elections  nga maga-arangkada sa Oktubre  1  hasta  8 it makaron nga dag-on.

Suno kay Atty. Roberto Salazar, Provincial Election Supervisor it Aklan nga   bangud nga maisot ro andang opisina hay igasaylo nanda raya sa aklan catholic college  gym maeapit sa tindahan.

-- Advertising --

Samtang,  magapabilin sa tagsa ka opisina it municipal election officer ro filing it  COC  mag-eowas sa banwa it New Washington nga naghinyu nga magsaylo man sanda it venue  sa cafeteria it aklan state university.

Ginpadumdum man nana ro mga kandidato nga bag-ong COC form ro andang gamiton ag i-review it mayad antes nga  ipasa.

Obligado man ro tanan nga magsunod sa ginapatuman nga minimum health protocol partikular ro pagsuksok it face mask, face shield ag social distancing.

Boses ni Atty. Roberto Salazar