KALIBO, Aklan—Temporaryong ginsuspendi ag ginpasarado ro operasyon it  bueangan  sa Brgy. Tigayon Kalibo.

-- Advertising --

Suno kay Mr. Basil Tabernilla, Executive Assistant to the Mayor sa banwa it Kalibo nga nagpaguwa  it sangka Executive order No. 007 series of 2021 si Kalibo mayor Emerson Lachica angot sa pagbawae anay it operasyon  sa nasambitan nga establisyemento.

Raya hay matapos sigon nga may daywang ka mga pasyente nga nagpositibo sa COVID-19 ag na-trace nga may contact raya sa nasambit nga lugar.

Nasayuran nga ro sambilog sa mga raya hay bukon it kalibonhon apang nagkabisita sa lugar samtang ro sambilog  hay taga-Kalibo ag sangka sabungero.

Nauna kara, ginrekomenda it Municipal health office (MHO) Kalibo nga igapasarado anay temporaryo ro nasambitan nga cockpit arena.

Ginklaro  pa kara nga  ro nasambit nga tikang  hay temporaryo eamang ag uman nga magabalik ro operasyon until further notice.

Sa makarun hya ginapatigayon  eun  ro contact tracing ag disinfection sa lugar.

Samtang, ginapasiguro man it Local Government unit nga maidid ro andang ginapatigayon nga contact tracing agud matapna ro pagkalhit pa it makamaeatay nga virus.

Kasunod pa kara, uman  man nga nagpadumdom ro LGU sa publiko nga mas kapin pang maghaeong ag magsunod sa ginapatuman nga health protocol sandig sa pagsinueondan it national IATF para mapabilin nga euwas sa COVID-19.