Olympic update —- Naka-buena mano ro Pilipinas sa andang kampanya sa Tokyo Olympics pinaagi sa rower nga si Cris Nievarez.

Nakasueod imaw sa quarterfinals  sa ginpakitang impresibong  performance makaron nga adlaw it Biyernes, Hulyo 23, sa Sea Forest Waterway sa Tokyo, Japan.

-- Advertising --

Ro naga-isaeahanon nga Philippine rower hay may oras nga 7 minutes ag 22.97 seconds para sa third place finish sa heat 5 it men’s single sculls.

Nagpanguna kara ro  taga Croatia nga si Damir Martin nga may oras nga 7:09.17 samtang ro Russian nga si  Alexander Vyazovkin hay nagtapos sa oras nga 7:14.95.

Ro  top three eamang  sa heat ro makasueod  sa  quarterfinals.

Si Nievarez, 21-anyos hay nakasueod  sa Tokyo 2020 Olympics pinaagi sa  continental qualification regattas, kun sa siin limang  national Olympic committees (NOCs) ro nagtau it slots sa quadrennial meet.