KALIBO, Aklan—Kasunod it paghina it bagyong Auring nga naging tropical depression eon lang makaron hay balik eon man ro byahe it tanan nga roll-on roll-off ukon roro vessel ag motorbanca maghalin sa Caticlan jetty port paadto it Batangas, Oriental Mindoro, ag Romblon.


Raya hay sandig sa sea travel advisory nga ginpaguwa it Philippine Coast Guard ukon PCG Caticlan.

-- Advertising --


Apang, ginklaro it ahensya nga nakadepende pa sa availability it mga sakayang dagat kon anu ro nakaschedule nga magbyahe sa lugar.

Samtang, nagapadayon man ro byahe it mga motorbanca patabok sa isla it Boracay vice versa.


Apang, kinahang-ean nga habaan ro pasensya it mga pasahero bangud inde malikawan nga makaangkon it mahaba nga pila eabi eon kon sangkiri eon lang ro numero it mga nagabyahe nga motorbanca sa nasambit nga oras nga kueang sa volume it mga pasahero.