KALIBO, Aklan—Naka-alerto eon ro  Bureau of Fire Protection  ukon   BFP  Kalibo para sa nagahilapit nga pista minatay.

Suno kay  FO3 Carl Colanggoy  nga kasado eon ro andang  “Oplan Kaluluwa”  agud nga magtau it  seguridad  ag kaeowasan sa publiko nga nagabisita sa  mga sementaeryo  sa andang mga mahae sa kabuhi nga nagtaliwan eon.

Magalibot man sigon sanda  sa mga pampubliko ag pribadong mga sementeryo  para sa monitoring it mga naga-eabag sa health and safety protocol eabi eon ro  physical distancing.

-- ADVERTISEMENT --

Mag-eowas kara,  maga distribute man sanda  it mga fire safety tips  sa idaeum it “oplan ligtas pamayanan” daea ro andang mga fire truck ukon pag-rekorida  bangud nga imposible pa  makaron ro  face to face lectures bangud sa pandemya.

Aktibo man sigon ro andang taeatapan sa emergency response eabi eon  sa mga nagakatabu nga   aksidente sa daeanon, kalamidad  ag iba pang emerhensiya  kaibahan ro MDRRMO.

Sa pihak nga parte, gindugang pa ni  FO3 Colanggoy nga ginkalipay nanda bangud nga minimal eamang ro mga nagakatabu nga sunog makaron  umpisa ko buean it  enero.

Samtang,  ginalaygay  it BFP  nga indi pag-aywan ro andang kandila nga nakasindi  eabi pa sa nagahilapit nga undas.