KALIBO, Aklan—Bukon it pabor ro grupo it Bagong Alyansang Makabayan ukon Bayan-Aklan sa ginaproponer nga pag-armas sa mga katapo it Bureau of Fire Protection.

Suno kay Kim Sin Tugna, Provincial Coordinator it Bayan-Aklan nga ro responsibilidad it mga bumbero hay magresponde ag magtapna it kaeayo sa nagakatabo nga sunog rason nga owa nagakabagay sa andang trabaho ro pagtao kanda it armas.

Suno kay Tugna nga itaeana eon lang sa pagbakae it dugang nga fire truck ag pagpatindog it pasilidad ro pondo nga pagagamiton sa pagbakae it firearms.

Ro dapat sigon nga tutukan it gobyerno hay ro pagpabaskog it kapasidad it Bureau of Fire agud mapadali ro andang pagresponde sa tyempo it sunog.

Sa kamatuoran suno kana hay maabo pang estasyon it bumbero sa nasyon nga nagakinahang-ean it dugang nga equipment ag pasilidad nga dapat unahon nga atupagon it gobyerno.

-- Advertsement --
Boses ni Kim Sin Tugna, Provincial Coordinator it Bayan-Aklan