KALIBO, Aklan—Uman nga nagpatuman ro Bureau of Fisheries and Aquatic Resources ukon BFAR region 6 it temporaryong pagbawae sa pagpangisda sa Visayan Sea umpisa ko Nobyembre 15  hasta Pebrero 15 it masunod nga dag-ong 2022.

Base sa pahayag ni BFAR-6 regional director Remia Aparri,  gin-insister kara nga  kinahangean  it  Visayan Sea nga makapahuway anay agud nga magatayuyon  ro resources ag mga fish stock.

Ro  pagpangisda  it  mga sardines, herrings ag mackerels sa Visayan Sea hay hugot anay nga ginabawaean sa sueod  it  tatlong buean agud nga magpaabo anay it andang lahi.

-- ADVERTISEMENT --

Ro mga tuloy, tamban, tabagak, balantiyong, guma-a, bulao, ag hasa-hasa hay ginabawaean man  nga dakpon.

Ro  delineation  it  Visayan Sea nga sakop  it  closed season  hay maga-umpisa sa Danao River sa Escalante City hasta  sa punta it  Sta. Fe, Cebu.

Magapadayun raya sa northernmost tip  it  Madridejos hasta sa Gigantes Island kun sa siin  ro lighthouse  ro magaserbing marker ag maga-konekta raya horizontally sa Olotayan Island hasta sa Roxas City.

Sa katung-anan man it  Iloilo ag Negros Occidental, maga-umpisa ro  boundary maghalin sa Talisay River sa Barotac Nuevo hasta Tomonton Point sa EB Magalona ag  uman nga magabalik sa Danao River.

Base sa BFAR ro nasambitan nga tikang hay agud nga masiguro ro  proteksyon  it  mga major fish commodities  it  Visayan Sea.

Maga-resulta man raya sa manabang income para sa ibang mga mangingisda apang raya sigon hay makatao it maeawigan nga benepisyo  para sa mga fisherfolk  ag pati eun man sa publiko.

Ro  closed season  hay ginapatuman sandig  sa  Administrative Order (FAO) 167 series of 1989 as amended by FAO 167-3 series of 2013.

Ro Visayan Sea hay sambilog  sa mga top fishing ground sa Pilipinas.