Kalibo Aklan——–Temporayong pagapondohon it Local Government Unit ( LGU) sa banwa it Altavas ro pagbaton it mga naga-uli nga Locally Stranded Indibiduals (LSIs) ag Authhorized Person Outside Residece (APOR) sa sueod it sang buean halin Pebero 26 hasta Marso 26, 2021.

Raya hay sandig sa ginpagguwa nga Executive Order No. 006 ni Altavas Mayor Denny Refol Jr.

-- Advertising --

Base sa datus it Municipal Health Office (MHO)-Altavas ginasugid nga may una nga 11 aktibong kaso it Coronavirus Disease 2019 (COVID-19) ro banwa.

Ro mga pasyente hay puro asymptomatic ag presenteng naka-facility quarantined.

Angot kara, limitado eamang sigon ro sarang ma-akomodar it Ligtas Covid Center (LCC) it banwa rason nga temporaryo anay nga igapundo ro pagbaton it mga naga-uli nga residente nga halin sa ibang probinsya ukon rehiyon.