KALIBO, Aklan—Nagpatigayon it simulation ukon dry run ro Banga Elementary School bilang pagpahaum  sa uman nga pagbukas it limitadong face to face classes sa tunga it  COVID-19 pandemic.

Kaibahan ro Malinao School for Philippine Craftsmen, sambilog ro nasambit nga eskwelahan  sa Aklan nga napili it Department of Education nga   magapasakop man  sa in-person learning  umpisa sa  Lunes, Disyembre  6.

Suno kay Herlene Teodosio, Principal II it Banga Elementary School nga malipayon sanda  kaibahan ro mga manugturo ag ginikanan nga naeakip ro andang eskwelahan nga magabukas it klase  sa pihak it  paeag it deadly virus.

Nagbutang eon it temperature scanners, alcohol dispensers, handwashing area, foot bath ag iba pa sa nasambit  nga eskwelahan  bilang kaparte it  health protocols.

May QR code man ro kada learners ag ginikanan kamana man nga may health declaration card.

-- ADVERTISEMENT --

Nauna eon nga nagpatigayon it limited face to face  classes ro Laserna Integrated School sa banwa  it Nabas matapos nga makapasa sa safety assessment it DepEd ag Department of Health.

Boses ni Ms. Herlene Teodosio