News and Analysis———–Nagdesisyon eon ro gobyerno nga uman nga ipatuman ro Modified Enhanced Community Quarantine (MECQ) sa probinsiya it  Aklan umpisa Agosto 1 hasta 15.

Suportado  it mga health experts  ag Provincial  Government ro  desisyon kun  sa siin sanda ro naghinyu kara  sa  National Government bilang precautionary intervention para mapunggan ro pagsipa it COVID-19 cases.

-- Advertising --

Ginasugid nga makaron pa eamang hay  mabahoe nga hangkat eon para sa gobyerno kun paalin nga mabaliktad  ro surge sa COVID-19 sa Aklan.

Rason nga padayun ro pag engganyo sa mga Local Government Units (LGUs), private sector ag mga komunidad  nga magbueuligan sa pagpatuman it  mga estratehiya  agud nga malikawan nga mas pang mag-grabe ro surge.

Angot sa bag-ong  desisyon it National Government para sa quarantine restrictions, posibleng maabu eon man kara nga maga-aray nga trabahador ag mga negosyante eabi eon sa sikat nga tourist destination nga Isla  it  Boracay.

Kabay nga maskin makaangkon it economic impact ro instriktong lockdown hay makaangkon it kahigayunan ro Provincial Government nga  padasigan pa ro COVID-19 vaccination matapos nga ro Aklan hay nabutang eon sa high risk area.

Rason nga ginahinyu  sa tanan ,  ipatuman  ag sundon ro  mga sueundana sa idaeum it MECQ nga patakaran.

Indi eon maging  pasaway bangud nga maabu ro nasakripisyo kada nagapatigayon it  pag-instrikto.