KALIBO, Aklan—Kontra si  Atty. Plaridel Morania,  sangka batikang abogado sa aklan sa gina-proponer ni  Pangueong Rodrigo Duterte nga pasugtan ro pagpatindog it mabahoe nga  casino  sa isla it  Boracay.

Suno kana kato pa man kat nagaserbisyo pa imaw  bilang miyembro it  provincial  board hay hugut ro anang pagpamaeabag nga mahaluan it pasugaean ro isla.

Maskin sigon ro simbahang katolika, pilang mga tumandok ag stakeholders hay  naga-oponer man sa nasambit nga plano bangud sa posibleng igatuga kara nga problema sa ulihi nga mga inadlaw partikular ro prostitusyon, droga, kriminalidad ag iba pang negatibong bagay.

Gindugang pa ni Atty. Morania nga mas mayad nga ipabilin ro imahe it isla bilang sangka family-friendly destination kun sa siin puro kasadya ukon leisure  ro panaw  ag owa it halong sugae.

Madumduman nga ginapasugtan eon sigon ni Duterte ro sugae sa Boracay bangud sa kakueangan it pondo it  gobyerno.

-- Advertsement --

Samtang, gin engganyo man ni Atty. Morania ro tanan nga magpabakuna kontra covid  19  agud nga makaangkon it nagakaigo nga proteksyon kontra sa deadly virus.

Boses ni Atty. Plaridel Morania