National News——–Eain sa ginpromisa it gobyerno, uwa nadayon kahapon nga adlaw it Lunes ro pag-abot sa nasyon it masobra sa 525,000 doses it AstraZeneca halin sa COVAX facility.

Ginpahayag ni vaccine czar Carlito Galvez, “problema sa supply” ro ginasugid nga rason kon ham-an it uwa madayon ro pag-deliver it mga bakuna, base sigon sa abiso it World Health Organization (WHO) ko dominggo.

-- Advertising --

Suno kay Health Secretary Francisco Duque, posibleng madelay it sang dominggo ro pag-abot it mga AstraZeneca vaccine sa nasyon.

Pagapangayuan eon lang sigon ni Duque it paathag ro UNICEF, sambilog sa mga nagabilog sa COVAX facility, kon ham-an it napurnada ro paghatod it mga bakuna.