Kalibo Aklan ——–Arestado ro sangka Army reservist ag most wanted person sa mismo kara nga panimaeay sa Brgy. Mambog, Banga.

Ginkilaea it Banga PNP ro akusadong si Benjamin Braulio, 55-anyos ag residente it nasambit nga lugar.

-- Advertising --

Si Braulio nga sangka appointed Barangay Tanod hay gin-aresto it pulisya pinaagi sa gahum it warrant of arrest nga ginpaguwa it 6th Judicial Region, Branch 6, Kalibo sa kasong rape.

Una kara, napamatud-an nga si Braulio ro responsable sa pagmolestya sa sangka 21-anyos nga daeaga nga may psychosocial disability ag epileptic.

Natabo sigon ro insidente ko buean it Enero ko nagtaliwan nga dag-on sa tangkae nga ginapanag-iyahan it biktima samtang nagasag-ob raya it tubi.

Ginbayaran pa sigon nana it P100 ro biktima rason nga madinaeag-on kara nga natigayon nga nahimuan it kalaswaan ro daeaga.

Sa makaron si Braulio hay una eon sa paghinakop it pulisya para sa nagakaigong disposisyon.