KALIBO, Aklan—Padayun nga gina-usoy it Philippine Coast Guard (PCG)-Romblon ro ap-at ka mga persona nga naduea sa kaeawran nga sakop it isla it Boracay ag Romblon.

Suno kay Maricel Matorre nga bandang alas-7:30 it agahon ko adlaw it Sabado nagpanaw sanday Rolito Casidsid, Jun Guyo, Juden Martorre ag Mary Jane Matorre sakay it kulay blue nga baroto nga may pangaean nga “Honey” halin sa bahin it Brgy. Manoc-manoc ag magapaadto kunta it Looc, Romblon.

Apang, pag-abot sigon it hapon hay owa gihapon nakaabot sa lugar ro mga raya rason nga ginpakamayad nandang makipag-coordinate sa PCG.

Eubos sigon ro pagkabaeaka it andang pamilya bangud hasta sa makaron hay owa pa makita ro mga nasambit nga persona kamana man nga indi makontak.

Nasayuran nga tuyo eamang it mga missing person nga makahingabot sa eubong it andang himata sa bahin it Looc, Romblon rason nga nagdisidir sandang magbiyahe.

-- ADVERTISEMENT --

Nag-apela man ro pamilya sa publiko nga insigidang makipag-angot kanda ukon sa mga otoridad engkaso nga may mapan-uhan nga ap-at ka mga persona sa pangpang.

Boses ni Mrs. Maricel Matorre