KALIBO, Aklan—Gin-claim eon it andang mga pamilya ro ap-at ka mga bankay it waeo nga mga miyembro New People’s Army (NPA) nga napatay sa nagtuhaw nga engkwentro ko Diyembre 1 sa Sitio Burak, Barangay Alimodias, Miag-ao, Iloilo.

Suno kay Atty. Flosemer Chris Gonzales it Aklan Prosecutor’s Office nga nakabaton it impormasyon ro mga otoridad nga may igapatigayun nga pueong ro mga rebelde sa lugar agud nga pahauman ro grand tactical offensive ukon  mga pag-atake nga paga-obrahon sa pilang military detachment  ukon  estasyon it pulisya  agud nga mataw-an it highlight ro nagahilapit nga selebrasyon it  ika-53 nga  founding anniversary it  Communist Party of the Philippines (CPP) sa Disyembre 26.

Bangud sa impormasyon, naka-deploy ro tropa it gobyerno it  bastanteng pwersa sa lugar.

Kaibahan sa mga namatay ro high-ranking leader it NPA nga si Joven Ceralvo alyas “Lex”.

Ginasugid nga mabuhay eon nga gina-eagas it militar si Ceralvo bangud sambilog raya sa nagapanguna sa pila ka mga engkwentro sa rehiyon.

-- ADVERTISEMENT --

Mag-eowas kara, nagapangutang man raya sa patong-patong nga kasong kriminal kaeakip ro mga kaso nga rebellion, frustrated murder, murder, multiple attempted murder, robbery, carnapping ag arson nga kaeabanan nga ginhimo sa area it Panay.

Mabahoe nga kawad-an sa bahin it mga NPA ro pagkamatay it pila sa andang miyembro nga kaeabanan hay team leader.

Pila sa mga narekober sa lugar hay ro mga mataas nga kalibre it armas ag  subersibong mga dokumento nga may mataas nga intelligence value.

Samtang, owa man it nailistang casualty sa bahin it Philippine Army ag Philippine National Police (PNP).

Boses ni Atty. Flosemer Chris Gonzales