KALIBO, Aklan—Eubos ro nabatyagan makarun nga kalipay it pamilya it sangka kadeteng Aklanon nga nagdaea it bugae sa bilog nga probinsya it Aklanon matapos nga makabo-oe it pinakamataas nga grado sa Philippine Military Academy Masaligan Class of 2021.

Si CADET 1CL Mae Pearl Alarcon Agustin, 25 anyos ag tubong Barangay Kinalangay Viejo, Malinao ro nakabo-oe it  military justice awardee sa Philippine Military Graduation.

-- Advertising --

Sa interbyu it Bombo Radyo Kalibo kay Elmo Agustin, ama  ni CADET 1CL Mae Pearl nga makarun hay mabahoe nga bugae it andang pamilya ag  maging sa andang banwa ro naabot it anang unga.

Ginsaysay man kara nga umpisa kat unga pa hay ginahandom eun  ni Mae Pearl nga maging soldado.

Maaeam man  ag maboot sigon raya rason nga owa sanda nagakahilak nga magpatuon.

Si Agustin hay nagtapos bilang valedictorian sa elementarya ag sekondarya kamana man bilang cum laude sa kursong Bachelor in Secondary Education Major in English sa Aklan Catholic College.

Nakapasa man sa Licensure Examination for Teachers (LET).

Apang bangud sa anang ambisyon hay ginpursige karang makasueod  sa Philippine Military Academy (PMA).

Imaw  hay pang lima sa waeong magmaeanghod.

Mag-euwas kana hay nakapagtapos man ro iba pang unga ni tatay “ELMO” ag puro man professionals.

Boses ni Elmo Agustin

Samtang, nagahalong excitement  man ag pagiging proud ro nabatyagan makarun it  sambilog sa mga magueang ni CADET 1CL Mae Pearl Agustin nga si  Eljay Agustin.

Boses ni Eljay Agustin