Kalibo Aklan ——-Haom eun nga magpurchase it mga bakuna kontra COVID-19 ro Aklan Provincial Government.

Suno kay Liga ng mga Mayor President ag Ibajay Mayor Jo-en Miraflores nga sa makarun hay nag-istorya eun ro tanan nga mga Mayor sa probinsya kung sa siin napagdesisyunan ro pagbakae it kaugalingon nga bakuna.

-- Advertising --

Raya hay mag-euwas pa sa supply it bakuna nga igatao it national government.

Apang sa makarun hay ginahueat pa sigon nanda ro pag-apruba it national government angot sa nasambitan nga tikang.

Kung makabakae  eun it bakuna ro gobyerno probinsyal hay igataeana raya para sa tanan nga mga kabanwahanan mageuwas eamang sa banwa it Kalibo nga napagdesisyunan it andang Local Government Unit (LGU) nga sanda ro kaugalingon nga magabakae.

Nasayuran nga ro bakuna nga pagabak-eon it Aklan Provincial Government hay ro AstraZeneca  ag nakataeanang maga-abot sa 3rd  ukon 4th quarter it presenteng dag-on.