KALIBO, Aklan—Ginkumpirma ni Police Colonel Ramir Perlito Perlas nga nakataeana eon imaw nga magretiro bilang Provincial Director it Aklan Polic Provincial Office (APPO) sa Disyembre 3.

Suno kana, naabot eon nana ro maximum age para sa mandatory retirement it Philippine National Police (PNP) para magserbisyo.

Ginpasaeamatan man kara ro gintao kana nga suporta it mga Aklanon sa sueod it pilang buean nana nga pagserbisyo.

-- ADVERTISEMENT --

Madumduman nga pormal nga nagpungko bilang Provincial Director it APPO si Perlas ko buean it Enero 2021.

Bukon eon it bag-o sa Aklan si Perlas bangud tumandok raya it banwang Numancia.

Nagserbi imaw bilang hepe it Regional Investigation and Detective Management Division (RIDMD) sa Police Regional Office – Caraga Administrative Region antes uman nga na-assign sa Aklan.

Nagserbisyo man imaw bilang Provincial Director it Agusan del Norte.