KALIBO, Aklan—Posibleng sa ulihing parte pa it dag-on 2021 mataw-an it bakuna ro probinsiya it Aklan.

Raya ro pagtantiya ni Dr. Cornelio Cuatchon Jr., it Provincial  Health Office ukon  PHO-Aklan.

-- Advertising --

Bangud nga manaba ro attack rate sa probinsiya rason nga less priority kita sa pagataw-an it bakuna kun sa siin paga-unahon kara ro mga pinaka-apektadong lugar it virus.

Sa makaron suno kana ro provincial government hay padayun pa nga nakikipag negosasyon sa mga kompaniya nga pagaboe-an it bakuna kabulig ro national government.

Mag-eowas kara,  may shortage suno kana it bakuna bangud nga bilog nga kalibutan  kara ro nagakinahangean  ag mas gin-una ro mga manggaranon nga nasyon nga nakabo-oe eagi it kontrata sa mga manufacturers.

Samtang, gindugang pa ni Dr. Cuatchon nga sa makaron hay owa pa na-finalize ro mass vaccination plan it probinsiya eakip ro pagpatigayon it simulation exercise.

Ginatipon eon man suno kana ro listahan it mga health workers sa aklan maghalin  sa pribado ag pampublikong ospital.

Target suno kana it national government nga mataw-an it libreng bakuna ro 70% it kabilugan nga populasyon it nasyon.

Boses ni Dr. Cornelio Cuatchon Jr., PHO-Aklan