KALIBO, Aklan—Gindayaw it Philippine Drug Enforcement Agency ukon PDEA ro probinsiya it aklan matapos nga magpangaywa raya sa bilog nga Western Visayas sa may pinakamaabu nga barangay nga  drug cleared eon.

Sa 17 nga banwa,  ro LGU lezo ag Madalag ro eubusan eon nga nataw-an it sertipikasyon nga  bukon it  apektado it iligal nga droga kun  sa siin nakatukod eon man sanda it balay silangan facilities.

-- Advertising --

Ro Balay Silangan hay sangka programa it gobyerno  nga nagatau it temporaryo nga ilistaran  sa mga  drug offenders sa tuyo nga mapabag-o ro mga raya  ag maging ‘law abiding citizen’.

Samtang,  sa 4,051 nga barangay sa bilog nga Western Visayas,  3,381 eon ro drug-cleared makaron.


Apang sa nasambit nga numero, masobra sa 800 kara ro presenteng gina-review ro andang compliance bangud sa naispatan nga mga bag-ong drug personality.

Gindugang pa it PDEA nga ro kada barangay hay ginataw-an it  60 diyas agud nga makahimo it tikang nga indi ma-revoke ro andang status bilang drug free nga lugar.

Boses ni Shey Tanaleon, tagapaghambae it PDEA-6