KALIBO, Aklan—Aprubado eon sa ikatlo ag ulihing pagbasa it Sangguniang Panlalawigan it Aklan ro ordinansa angot sa operasyon it Aklan Grains Processing Center nga nahamtang sa Brgy. Nalook, Kalibo.

Ginpresentar kaina it Committee on Agriculture ro kaundan it proyekto nga nagakahaeaga it P32 million pesos kung siin ro pondo nga gingamit kara hay halin sa local farm it probinsya.

Raya hay kaparte it mabahoe nga proyekto it Provincial Government angot sa Agri-Aqua farm.

Ginaeauman nga magiging fully operational eon ro proyekto sa mga masunod nga adlaw.

Tuyo kara nga mabuligan ro mga lokal nga mangunguma pinaagi sa pagbakae it andang gina-ani nga paeay sa mas mahae nga haega.

-- ADVERTISEMENT --

Ro eabtong hay pagabak-eon it P14 kada kilo samtang ro uga ukon dry nga paeay hay pagabak-eon it P17.

Nauna eon nga ginpahayag it Office of the Provincial Agriculturist nga haeos syento prosyento eon nga na-install ro mga ginakinahang-ean nga makinarya.

Ro Aklan Grains Processing Center hay may kaugalingon man nga drying ag milling area.

Boses ni SP member Esel Flores