KALIBO, Aklan—May bag-o eon mga opisina si Aklan First District Congressman Carlito Marquez.
Raya hay nahamtang sa Paseo D Aklan sa Mabini Street Poblacion Kalibo.
Bangud kara gina-engganyo it Kongresista ro mga nagapangayo it bulig sa andang taeatapan nga idto eon lang magderitso.
Sa makarun hay mas ginpili sigon nanda nga magrenta it opisina para sa kamaeayran it publiko mas kapin ag may ginapangatubang nga pandemya.
Samtang, eubos man ro pagpasaeamat kara sa Local Governmnet Unit ukon LGU-Kalibo sa pagtao kanda it dating opisina sa Magsaysay Park Kalibo.
Apang, bangud sa sigon hay paggutok it mga tawo, napagdesisyon nanda umpisa ko buean it Marso nga mag-usoy it manami nga lugar nga pweding makasueod ro mga pomoeuyo ag nasusunod ro health protocol kapareho it social distancing.
Sa makarun hay bukas ro opisina it kongresista para sa mga nagapangayo it bulig.
Nasayuran nga may gintaeana man nga 20 millon pesos para sa pundo it Assistance to Individuals in Crisis Situation (AICS)./
Ro mga nagapangayo it bulig para sa hospatilization hay sigidas ro andang pagproseso ag igatao man kanda ro assistance engkasong mag-abot eun ro budget.
