Kalibo Aklan ——-Magapangatubang sa kasong pag-eabag sa Presidential Decree 449 ukon Illegal Cockfighting Law of 1974 ro siyam ka mga indibidwal matapos nga madakpan nga illegal nga nagapabueang sa Brgy. Andagao, Kalibo.

Natigayon nga maaresto it gintingob nga pwersa it Provincial Special Operation Task Group on Illegal Gambling ag Kalibo PNP sanday Rodrigo Calas, 60-anyos; Jay-R Colas, 34-anyos; Alex Mendoza, 50-anyos; Delmar Marin, 21-anyos ag Jonathan Zolina, 29-anyos, parehong mga residente it Brgy. Poblacion Kalibo.

-- Advertising --

Naaresto dugang sanday Niño Pinos, 37-anyos ag Romeo Dela Cruz, 53-anyos, parehong mga residente it Brgy. Andagao sa nasambit nga banwa kamana man sanday Jowin Adano, 27-anyos, residente it Brgy. Poblacion, Malinao ag si Glenn Pison, 31-anyos.

Narekober sa andang posisyon ag kontrol ro kapin sa P6,480 pesos nga balor it kwarta nga gingamit bilang taya, tig-limang ka buhi ag patay nga manok pang bueang, sangka unit it kilohan ag sangka set it bueang.

Ro nasambitang mga indibidwal hay presenteng nakakulong sa locked up cell it Kalibo Police Station para sa nagakaigong disposisyon.