KALIBO, Aklan—Kapin sa waeo ka mga indibidwal ro gin-aresto it mga otoridad matapos nga madakpan nga nagasugae sa sangka namatyan sa bahin it Brgy. Camansi Sur, Numancia.

Nakilaea ro mga suspek nga sanday Freddie Leonardo, 55-anyos, Jonald Tolentino, 24-anyos parehong residente it nasambit nga lugar ag Marvin Dela Cruz, 28-anyos, residente it Brgy. Pusiw, Numancia samtang ro limang iba pa hay puro mga menor-de-edad.

-- Advertising --

Base sa report, naaktuhan it mga katapo it Numancia PNP nga nagahampang it ‘pusoy bahig’ ro mga suspek sa sangka namatyan sa nasambit nga lugar.

Halin sa ap-at ka lamesa it mga manughampang, ro sueod eamang it daywang ka mga lamesa ro nasikmo it mga pulis bangud nahimo it iba nga makapaeagiw.

Samtang, narekober man sa lugar ro kwarta nga nagabalor it kapin sa P1,708 nga gingamit bilang taya, ap-at nga set it baraha, ap-at nga lamesa ag mga bangko.

Ro waeo hay gilayon nga gindaea sa taeatapan it pulisya para sa nagakaigo nga disposisyon.

Apang, tatlo eamang ro pagapasakaan it kasong pag-eabag sa Presidential Decree 1602 samtang ro limang menor-de-edad hay iga-refer sa Women and Children Protection Desk (WCPD) it Numancia Police Station.