KALIBO, Aklan—Naangkon it Garcia College of Technology ro Top 6 sa mga eskwelahan sa bilog nga nasyon nga may mataas nga numero it mga passers sa 2021 Certified Public Accountant Licensure Examinition.

Ro GCT hay may kabilugan nga 10 ka mga panibag-ong CPA’s.

Samtang top 1 man ro University of San Carlos sa Cebu nga may  22 ka mga estudyanteng nakapasar sa CPA exam.

-- ADVERTISEMENT --

Sueod man sa top 5 ro University of Sto. Tomas sa Manila nga may 15, Ateneo de Davao University, 14;  Mindanao State University -IIT – 13;  ag Ateneo de Naga University  nga may 11.

Ro mga panibag-ong CPA’s it GCT hay sanday Joelex Cortes; Philip Noreen Flaviano Gervacio; Angela Ibardolaza Ingeniero; Gio Emmanuel Inosanto; Kenneth Lanoy; Nestle Almero Loniego;  Keannu Nicolas; Lourdes May Flores Parman; Clarissa Fuentes Remetio; ag  Nicole Policarpio Tan.

Samtang sa interbyu it bombo radyo, pare-parehong nagpaabot man it andang pagpasaeamat ro mga raya sa andang tagsa-tagsa ka mga pamilya ag paryente nga nagbulig kanda agud nga matuman ro andang handom.

May mga pila pa kanda nga indi sa gihapon makapati nga sanda hay CPA eun.

May una man nga napatangis, napasinggit ag napaeukso sa sobrang kalipay matapos nga masayuran ro resulta it eksaminasyon.