KALIBO, Aklan—Limang ka mga Aklanon maghalin sa Aklan Sate of University (ASU) Kalibo campus ro nakapasar sa kakatapos eamang nga November 2021 Civil Engineer Licensure Examination.

Raya hay sanday Engr. John Enriq M. Armenio, Engr.Fatima V. Fulgencio, Engr. Christian H. Meñez, Engr. Chappy R. Teodosio ag Engr. Mark Ian V. Ventura.

Sandig sa ginpaguwa nga resulta it Professional Regulation Commission (PRC) kapin sa 2,374 out of 6,474 (36.67%) ro pasado sa nagtapos nga eksaminasyon.

Ro nasambitan nga CE board exam hay ginpatigayon ko  November 14 hasta 15, 2021 sa testing centers sa Metro Manila, Baguio, Cagayan de Oro, Cebu, Davao, Iloilo, Legaspi, Lucena, Pagadian, Pampanga, Rosales, Tacloban, Tuguegarao  ag Zamboanga.

Sa interbyu it Bombo Radyo Kalibo, nagpahayag it andang nagkaeain eain nga reaksiyon ro mga bag-ong Aklanon engineers.

-- ADVERTISEMENT --

Naging emosyunal man ro iba kanda bangud nga indi sa gihapon raya makapati sa resulta it nasambit nga eksaminasyon.

Sa pihak kara, eubos man ro andang pagpasaeamat bangud  nga  raya hay makabig sigon nga  daean paadto sa andang handom.