Kalibo Aklan ———Arestado ro lima ka mga indibidwal matapos nga madakpan nga illegal nga nagasugae sa Brgy. Mataphao, New Washington.

Ginkilaea it New Washington PNP ro lima nga sanday Jhon Roque Melgarejo; Jonard Rebanio; Arnel Bulaclac; Judy Villanueva ag Jovie Villaruel tanan hay sa legal nga edad ag mga residente it nasambit nga lugar.

-- Advertising --

Narekober sa andang posisyon ag kontrol ro baraha nga ginamit ag kapin sa P1,720 pesos nga kwarta nga ginamit bilang taya.

Nauna eon nga nakabaton it impormasyon ro pulisya angot sa nagapatigayon it sugae sa lugar kon sa siin sa andang pagpangusisa hay naaktuhan ro nasambit nga grupo.

Ro lima hay posibleng magapangatubang sa kasong pag-eabag sa Presidential Decree 1602 ukon Illegal Gambling.