Kalibo Aklan ——–Magapangatubang sa kasong pag-eabag sa Republic Act 10591 ukon Illegal Possesion of Firearms ro sangka eaeaki matapos nga madakpan it illegal nga baril sa Brgy. Tibiawan, Makato.

Ginkilaea ro suspek nga si Richard Ortiz, 36-anyos ag residente it Brgy. Agbalogo sa nasambit nga banwa.

-- Advertising --

Narekober sa anang posisyon ag kontrol ro sangka 38 nga kalibre it baril nga loaded it lima ka bala.

Base sa report, may nagtimbre sa taeatapan it pulisya nga nagahupot it illegal nga armas ro nasambit nga suspek ag sa pagpangusisa it pulisya, nabueo sa anang posisyon ag kontrol ro nasambit nga armas.

Si Ortiz hay presenteng una sa kustudiya it Makato PNP para sa nagakaigong disposisyon.