KALIBO, Aklan—Arestado ro tatlo ka mga kaeakin-an matapos nga mag-eabag sa ginapatuman nga Municipal Ordinance 2020-004 ukon COVID Curfew Ordinance sa kahabaon it Jaime Cardinal Sin Avenue, Brgy. Caano, Kalibo.

Ginkilaea ro mga violators nga sanday Darwin Felizardo, 21-anyos, Bobby Tanilon, 20-anyos ag Franklene Sendon, 17-anyos parehong mga residente it Brgy. Jugas, New Washington.

-- Advertising --

Base sa report, sakay it sangka motorsiklo ro tatlo kat maaktuhan raya it mga otoridad.

Mag-eowas sa curfew, gin-eabag man it mga raya ro ginapatuman nga social distancing.

Ro tatlo hay temporaryong ginkustudiya sa Kalibo Municipal Police Station para sa nagakaigo nga disposisyon.