KALIBO, Aklan—Magapangatubang sa kasong pag-eabag sa Presidential Decree 1602 ukon Illegal Gambling Law ro tatlo ka mga indibidwal matapos nga nadakpan nga illegal nga nagasugae bandang alas-4:30 it hapon sa Brgy. Tambak, New Washington.

Ginkilaea ro tatlo nga sanday Ryan Tolentino, 40-anyos; Larry Dela Luna ag Rufino Carillo, sa legal nga edad ag puro mga residente it nasambit nga lugar.

Apang, daywa eamang kanda ro nadakpan it pulisya bangud nga nakadaeagan si Carillo ag padayon pa raya nga atlarge hasta sa makaron.

Narekober kanda ro sangka set it baraha, bangko, lamesa ag kapin sa P475 pesos nga kantidad it kwarta nga ginamit bilang taya.

Una kara, samtang nagapatigayon it pagrobing ro pulisya sa nasambit nga lugar hay may nakaimporma sigon kanda nga may nagapatigayon it pagsugae rason nga insigida nanda raya nga gin-usisa ag nadakpan sa akto ro tatlo nga naga-tong its.

-- ADVERTISEMENT --

Bangud kara, gilayon sandang ginbitbit sa New Washington Police Station kon sa siin ro daywa sa makaron temporaryong nakakustudiya para sa nagakaigong disposisyon.