KALIBO, Aklan—Arestado sa ginpatigayun nga drug buy-bust operation ro sangka 26-anyos nga eaeaki sa bahin it Vizcara Subdivision, Brgy. Andagao, Kalibo.

Pinaagi sa gintingub nga pwersa it Provincial Drug Enforcement Unit (PDEU)-Aklan, Philippine Drug Enforcement Agency (PDEA) ag Kalibo Municipal Police Station, madinaeag-on nga naaresto ro suspek nga si Louie Jay Pastrana, residente it nasambit nga lugar.

Narekober sa posisyon ag kontrol it suspek ro ap-at tanan ka mga sachet it marijuana.

Haeos daywang dag-on eon sigon nga ginasubaybayan it mga otoridad ro suspek bangud dati eon rayang drug surrenderee.

Si Pastrana hay presenteng una sa kostudiya it pulisya para sa nagakaigo nga disposisyon.

-- ADVERTISEMENT --