KALIBO, Aklan—Gin-relieve eon sa pwesto ro bagitong pulis nga nakaangkon it relasyon sa sangka 32-anyos nga public school teacher sa banwa it Banga.

Raya ro ginkumpirma ni Police Colonel Ramir Perlito Perlas, provincial director it Aklan Police Provincial Office (APPO).

Ro 25-anyos nga pulis hay presenteng naka-assign sa holding facility it APPO samtang ginahueat ro direktiba halin sa Police Regional Office (PRO)-VI.

Ginpahayag ni Colonel Perlas nga may igapatigayun pang summary hearing sa oras nga i-endorso eon it Regional Director ro kaso it nasambit nga pulis sa RIAS kung siin pagataw-an raya it kahigayunan nga makapaathag.

Madumduman nga ko nagtaliwan nga dominggo hay nadakpan  sa akto it 35-anyos nga mister nga sangka OFW  ro anang misis nga maestra  nga  kaibahan sa sueod it boarding house ro gina-alegar nga kalaguyo nga sangka pulis sa C. Laserna  St., Brgy. Poblacion, Kalibo.

-- ADVERTISEMENT --

Nasayuran nga pa-sekretong nag-uli ro mister halin sa ibang nasyon nga masobra daywang dag-on eon nga owa naka-uli para matumod kung kanyu nagapangaila ro anang asawa.