KALIBO, Aklan—Nag-angkon it pila ka mga lastro sa kaeawasan ro sangka eaeaki matapos nga gin-eabo it mismong katrabaho sa Brgy. Feliciano, Balete.

Nakilaea ro biktima nga si Jepsy Pontoy, 21-anyos, residente it Brgy. Antipolo, Ibajay.

-- Advertising --

Base sa report, nagpatigayun it pag-inum-inum ro biktima ag ro 34-anyos nga suspek kaibahan ro iba pa nandang katrabaho sa sangka manukan sa nasambit nga lugar.

Ginasugid nga naghueam it motorsiklo ro suspek sa biktima apang owa raya nagsugot.

Bangud kara, nagdumot sigon imaw hasta sa nagbuoe it bolo ag gin-eabo ro biktima.

Insigida man nga gindaea sa Aklan Provincial Hospital ro biktima para sa nagakaigo nga pagbueong.

Samtang, ro suspek hay presente eon nga una sa kustodiya it mga Balete PNP para sa nagakaigo nga disposisyon.