Kalibo Aklan ———Daywa ka mga indibidwal ro natigayon nga kinasuhan it Kalibo PNP matapos nga naaktuhan nga nagasugae sa Sitio Baybay, Brgy. New Buswang, Kalibo.

Ginkilaea ro mga raya nga sanday Charito Tolentino, 55-anyos ag Efipania Decengquo, 72-anyos ag parehong residente it nasambit nga lugar.

-- Advertising --

Ro daywa hay naaktuhan nga nagasugae it Tong-Its kon sa siin narekober sa andang posisyon ag kontrol ro sangka set it baraha ag kapin sa P104 pesos nga kantidad it kwarta nga ginamit bilang taya.

Ro daywa hay presenteng una sa taeatapan it Kalibo Police Station ag nagapangatubang sa kasong pag-eabag sa Presidential Decree 102 ukon Illegal Gambling para sa nagakaigong disposisyon.